Topkapı Sarayı Akağalar Koğuşu Vakfiyesi

Hazret-i Sultân-ı Mahmûd Hân Gazî_kim Hudâ Hüsrevân dehri kılmış âsitânında gulâm Hakka bâb-ı lûtf ü ihsânın kılub feth ü güşâd Melce’-i nâs eylemiş dergâhını Rabb-ül-enâm Söylenen şimdi cihânda ol şehin ihsânıdır Cûd-ı ma’n ü hâtem oldu gayrı bî-ma’nâ-yı kelâm Cümle-i en’âmını mümkinmi tafsîl-i yekûn Eyledi bu bâbda icmâl kilk-i hoş-hırâm Emr idüb vakf-ı hümâyûnundan ol Şâh-ı Kerîm Kullarına lûtf ü ihsân kıldı her Şehr-i sıyâm Bahş idüb evvel Kapu Agasına beşyüz guruş Virdi üçyüzde Hazîne-dâr-başıya tamâm Sonra Kilârcı-başı ile Serây Agasını Kıldı ikişer yüz guruş bahşile pür-şevk-i garâm Kıldı yüzelli Serây-ı Kethüdâsına atâ’ İtmek_içün hidmet-i şahânesinde ihtimâm Beş nefer Köşe-başıya virüb ellişer guruş Onbeşerle sâirin şâd itdi ber-vefk-i merâm Hazret-i fettâh feth idüb dâr-ı âmâlını Ömrün efzûn ide ol Şâhın ilâ yevm-ül-kıyâm Bir ziyâde bî-bedel târih yazdım vâsıfa Oldılar Bâb-üs-saâde kulları dil-şâd-kâm El-fakîr Yesârî-zâde Mustafâ İzzet gufira lehümâ 1232 (M. 1817)

Bâb-üs-saâde ağaları (Akağalar) koğuş kapısının üzerinde bulunan vakfiye kitabesi bir bakıma bahşiş defteri gibi görünmekle beraber bize esasen genel bir vakfiye özeti sunmakta. Burada Enderun/Bâb-üs-saâde teşkilatına dair varolan hiyerarşiyi ve  aldıkları bahşiş tutarlarını görebiliriz. (Tuğra II. Mahmud) Şöyleki; Kapı ağası : 500 kuruş Hazinedar-başı : 300 kuruş Kilerci-başı : 200 kuruş Saray ağası : 200 kuruş Saray kethüdası : 150 kuruş Köşe-başı neferleri : 50 kuruş Geri kalan görevlilere : 15 kuruş Tarih manzumesi Yesârî-zâde Mustafâ İzzet’e aittir.